Fyrsti viðburður ársins er boð í Listaháskóla Íslands. Rektor skólans, Fríða Björk Ingvarsdóttir tekur á móti hópnum og leiðir okkur í allan sannleik um starfsemina og fleira forvitnilegt.

Listaháskólinn er skóli allra listgreina. Hann er einstakur að því leyti að námsframboð er afar fjölbreytt enda eini háskólinn á fræðasviði lista á Íslandi og hefur því víðtæku hlutverki að gegna gagnvart landsmönnum.

Við hittumst á kaffitorginu í Listaháskólanum í Laugarnesi kl. 17:00, miðvikudaginn 23. janúar nk. Gengið er inn um aðalinngang frá neðra bílastæði við húsið og þaðan inn aðalganginn að kaffitorginu. Hlökkum til að sjá sem flestar.

Skráning á felaghaskolakvenna@gmail.com